ముఖ్యమంత్రి అరవింద్‌ కేజ్రీవాల్ కస్టడీని రౌస్ అవెన్యూ కోర్టు పొడిగించింది. కస్టడీ గ గడువు ముగియడంతో ఆయనను కోర్టు ఎదుట ఈడీ అధికారులు హాజరు పరిచారు. ఈ సందర్భంగా అరవింద్‌ కేజ్రీవాల్‌తోపాటు ఈడీ తరపున వాదనలు రౌస్ రోర్డులో జరిగాయి. ఈడీ విజ్ఞప్తి మేరకు ఏప్రిల్ ఒకటి వరకు కేజ్రీవాల్ కస్టడీని పొడిగిస్తూ తీర్పు ఇచ్చింది. మద్యం కేసులో అరెస్టైన కేసీఆర్ తనయ ఎమ్మెల్సీ కవిత తీహార్ జైలు అధికారులు తనకు సౌకర్యాలు కల్పించడం లేదని కోర్టులో పిటీషన్ వేసింది. ఆరోగ్య సమస్యలున్నాయని ఔషదాలు అందివ్వడం లేదని పేర్కొంది. ఇంటి భోజనం అనుమతించడం లేదని , పూజ చేసుకోవడానికి జపమాల ఇవ్వడం లేదని ఆరోపించింది. పరుపులు, పెన్నులు, పుస్తకాలకు అనుమతి ఇవ్వడం లేదని పిటీషన్ లో పేర్కొంది. పిటీషన్ ను సోమవారం విచారణ చేస్తామని కోర్టు తెలిపింది.
