KCR: కాంగ్రెస్, బీజేపీ ని నమ్మొద్దు -కెసిఆర్
-బీఆర్ఎస్ సెక్యూలర్ పార్టీ
-తెలంగాణ కోసమే భగవంతుడు న న్ను పుట్టించిండు
-తెలంగాణ మీది, భవిష్యత్ మీది, నిర్ణయం మీది
-420 హామీలతో కాంగ్రెస్ గద్దెనెక్కింది
-భువనగిరి రోడ్ షోలో మాజీ ముఖ్యమంత్రి కేసీఆర్
బీఆర్ఎస్ పార్టీ సెక్యులర్ పార్టీ అని, నరేంద్రమోడీ తన బిడ్డను జైళ్లో వేశాడని బీఆర్ఎస్ అధినేత కేసీఆర్ అన్నారు. బస్సు యాత్ర రెండో రోజు సందర్భంగా భువనగిరి సభలో కేసీఆర్ గురువారం పాల్గొని ప్రసంగించారు. తెలంగాణ కోసమే భగవంతుడు నన్ను పుట్టించాడని, తెలంగాణ ప్రయోజనాల కోసమే తాను బతికి ఉన్న రోజులు పనిచేస్తానని అన్నారు.1956 నుండి ఇప్పటి వరకు తెలంగాణకు శత్రువే కాంగ్రెస్ పార్టీ అని స్పష్టం చేశారు. భువనగిరి, ఆలేరులో ఎంత గోస పడ్డాం .58 ఏండ్లలో . తాగునీటికి గోస ఉండేది. తెలంగాణ వచ్చాక అధికారంలోకి వచ్చి గోస లేకుండా చేశామన్నారు. పిడికెడు మందితో ప్రజలను నమ్ముకుని ఉద్యమం ప్రారంభించినా.. ఉద్యమం చేసి కొట్లాడి. చావునోట్లో తలపెట్టి కొట్లాడితే తెలంగాణ రాష్ట్రం వచ్చింది. కాంగ్రెస్ అధికారంలోకి వచ్చి మంచిగ ఉన్న తెలంగాణకు అన్యాయం జరుగుతుందన్నారు. బోనస్ బోగస్ అయ్యిందన్నారు.420 హామీలు చెప్పి ప్రజలను కాంగ్రెస్ పార్టీ మోసం చేసిందన్నారు.మహిళలకు రూ.2500 ఇచ్చారా అన్నారు. ఆడపిల్లలకు , యువతులకు ఎలక్ట్రీకల్ స్కూటీలు కొనిచ్చారా? స్కూటీలు కాదు, లూటీలు వస్తున్నాయని ఆరోపించారు. . నిరుద్యోగ యువకులకు మెగా డీఎస్సీ అంటూ దగా చేసింది కాంగ్రెస్ అని విమర్శించారు.కేసీఆర్ గుండె చీల్చితే కనిపించేది తెలంగాణ అని అన్నారు. ప్రజలకు నష్టం చేస్తే ఊరుకోను అని తేల్చారు. పార్లమెంటు ఎన్నికల్లో బీఆర్ఎస్ గెలువాలని కోరారు. రంజాన్ తోఫాను కాంగ్రెస్ పార్టీ ఇవ్వలేదన్నారు.
బీఆర్ఎస్ సెక్యూలర్ పార్టీ.. తన బిడ్డ కవితను బీజేపీ జైళ్లో పెట్టిందని అన్నారు. మీ కోసం నేను చాలా చేసిన విషయాన్ని గుర్తించాలన్నారు. మీ దీవెనతో మళ్లీ బీఆర్ఎస్ అధికారంలోకి వస్తుందన్నారు. బీజేపీ దేవుడి పేరు చెప్పుకుంటూ ఎన్నికల్లో ఓట్లు అడుగుతుంటే… కాంగ్రెస్ పార్టీ ముఖ్యమంత్రి దేవుళ్లపై ఓట్లు వేస్తున్నాడని ఎద్దేవా చేశారు.దేశంలో మహిళలపై రోజు దాడుల వార్తలు వింటున్నాం.. డాలర్ తో రూపాయి విలువ చరిత్రలో ఎప్పుడూ లేనంతగా పడిపోయింది. యాదాద్రి ఆలయాన్ని ఓట్ల కోసం వాడుకున్నామా..అని ప్రజలను అడిగారు.భువనగిరిలో బీజేపీ , కాంగ్రెస్ ఒక్కటై బీఆర్ఎస్ను ఓడించాలని చూస్తున్నారు. అక్షింతలు, పులిహోరా తీర్థాలతో ర్యాలీలు చే స్తారు. వాటితో మన కడుపు నిండుతుందా అని అన్నారు. తెలంగాణలో ప్రతిబోరుకు మీటరు పెట్టాలని అన్నారు. తెలంగాణకు ఒక్క మెడికల్ కాలేజీ, నవోదయ స్కూల్ ఇవ్వలేదన్నారు. కేంద్రంలో బీజేపీ ఉండటం వల్లే తెలంగాణ తీవ్రంగా నష్టపోయిందన్నారు. నలుగురు ఎంపీలు గెలిచినా ఒక్క రూపాయి కూడా తీసుకురాలేదని ఆరోపించారు. బీజేపీ పాలనలో ఏ వర్గానికి న్యాయం జరుగలేదని విమర్శించారు. 18 లక్షల ఉద్యోగాలు ఖాళీగా ఉన్న నింపడం లేదని ఆరోపించారు. ఏడు మండలాలను మోడీ ఏపీకి అప్పగించారు. భువనగిరి అభ్యర్థి క్యామ మల్లేశ్ను గెలిపించాలని కోరారు.
